KREMTIMI I FESTËS SË SHËN FRANÇESKUT NË SHTEPINË PROVINCIALE CETINJE

Në natën e 3 Tetorit, familja Françeskane në mbarë botën përkujtoi solemnitetin e kalimit të shën Françekut nga kjo jetë në jetën e përjetshme.

Shën Françesku kaloi ditët e fundit duke Lavderuar Hyjin dhe duke mësuar bashkësin e tij që e deshi fort, të Lavderoj Hyjin së bashku me të.

Kështu edhe në shtëpinë  Provinciale në Cetinje,  përkujtuam këtë natë duke e bekuar Zotin së bashku me të gjitha motrat dhe duke kënduar Lavdet të cilat  edhe vetë  shën Françesku këndoi në momentet e fundit të jetës së tij.

Nuk mungoi buka tradicionale, e bekuar nga motra provinciale m. Ollga Dulaj që ua shpërndau të gjitha motrave.

Në përfundim m. Ollga Dulaj, uroi festën e shën Françeskut të gjitha motrave duke kujtuar se kjo festë është e veçantë edhe për faktin se këtë vit është 800 vjetori i stigmave (varreve)  të Shën Françeskut.