Dita e shkollës - Loyola Gymnasium

Ditën e shtunë, me datë 14.04.2018, Gjimnazi Loyola-Prizren shënoi plot 13 vite nga bekimi i gurëthemelit. Në këtë Ditë të shkollës, Gjimnazi Loyola priti me “Dyer të hapura” të gjithë miqtë dhe mysafirët e tij.

Dita filloi me një program të larmishëm artistik si dhe vazhdoi me aktivitete të tjera nëpër klasa, koridore, oborr dhe në të gjitha hapësirat e shkollës. Të gjithë pjesëmarrësit e  kësaj feste u treguan të magjepsur nga organizimi madhështor i festës.

Në këtë manifestim ishte i pranishëm edhe Kryeministri i Kosovës, Z. Ramush Haradinaj.

Së shpejti, shkolla “Loyola” do  të hapë dhe një shkollë të lartë profesionale ku pritet të ketë mbështetje më të madhe nga shteti.

Shkollës Loyola i urojmë suksese në të ardhmen, ndërsa të gjithë përkrahësit e Loyolës i falënderojmë nga zemra.