Takim nga Shoqata “Colombo” - Hot i Ri

Me  02 Mars 2019 në famullinë e “Shën Terezës së Kalkutës” në Hot të Ri, u mbajt një takim nga Shoqata “Colombo” me drejtues Atë Gian Franco, për gjithë rininë e famullisë sonë, por të pranishëm në këtë takim ishin edhe të rinjtë nga famullia e Grudës së Re dhe të rinjtë nga Golemi.

 Ky takim kishte për qëllim që t’i nxisë të rinjtë kundër gjakmarrjes dhe t’i ftojë në falje, duke parë se ky fenomen është shumë i përhapur në vendin tonë, për këtë arsye ishte edhe një moment i volitshëm që të dëgjojmë se si mund të arrihet deri tek Falja dhe në të njëjtën kohë të bënim pyetje.

 Atë Gian Franco theksoi që: Falja është një dhuratë që i bëj vetës që të rindërtoj jetën time nga një e keqe, por pajtimi ka nevojë për një ecje ndryshimi edhe nga ana e personit që na ka bërë të keqen.

Të pranishëm në këtë takim ishin edhe famullitari Atë Arjan Ndoji, Diakoni Atë Ferdinandi, m. Gjystina BDH dhe m. Bergita FZP!

Zoti na e dhuroftë hirin që çdo ditë e më shumë të mund të falim ashtu sikurse e pranojmë Faljen e Mëshiren e Tij çdo ditë!