Edukim Fetar - Lezhë

“Ia sillnin fëmijët që të vinte dorën mbi ta, por nxënësit ua ndalonin. Jezusit, kur i pa, i erdhi keq dhe u tha:“Lërini fëmijët të vijnë tek unë e mos i ndaloni; sepse atyre u përket Mbretëria e Hyjit!” (Mk 10,13-14)

Një ndër aktivitetet që organizon shkolla jonë “Atë Shtjefën Gjeçovi” është edhe edukimi fetar.

Kjo mundësi u është ofruar nxënësve të klasës së 4-5^-të prej të cilëve gjatë këtij viti kanë marrë pjesë 46 nxënës. Pjesëmarrja është e lirë dhe me konfirmimin e prindërve.

Gjatë kësaj ore fëmijët edukohen me parime themelore dhe të përgjithshme të besimit Katolik si: lutja, riti i Meshës, sakramentet, urdhërimet, kohët e shenjta, festat e veçanta gjatë vitit, etj.

Duke qënë se për fëmijët një nga gjërat më të preferuara janë lojrat, në këtë orë organizojmë edhe lojra të ndryshme ku gjithmonë gjithmonë lidhet me atë që duam të kuptojmë, mësojmë.

Në fund të vitit Pagëzohen ata fëmijë që duan dhe me miratimin e prindërve, ndërsa për sakramentet e tjera i nxisim që të marrin pjesë në famullinë të cilës i përkasin. Me datën 08/05/2017 kemi mbyllur këtë aktivitet për këtë vit me kremtimin e Meshës së shenjtë të celebruar nga p. Elia gjatë të cilës janë pagëzuar 6 fëmijë.

Është Zoti që bën vepra të mrekullueshme në jetën tonë. Ai na ndihmoftë që të jemi një mjet nëpërmjet të cilëve Ai mund të veprojë. AMEN!