Përfundimi i vitit shkollor 2017-2018 në shkollën "Atë Shtjefën Gjeçovi" Lezhë

Me 7 qershor 2018, edhe shkolla jonë e përfundoi tashmë vitin shkollor, vit të mbushur me gëzime, angazhime të shumta dhe rritje.

Shkolla jonë e mbylli vitin shkollor me 396 nxënës, prej të cilëve 46 të klasës së 9-të. Kjo është gjenerata e 8 që përfundon shkollën 9-vjeçare pranë nesh.

Edhe kopshti e mbylli në një mënyrë të veçantë vitin shkollor. Më 1 Qershor edukatoret e kanë veshur kopshtin me punimet e vogëlushëve. Prindërit patën mundësinë të mrekulloheshin nga artistët e ardhshëm duke shijuar punimet e ekspozuara dhe duke shijuar vjershat e këngët e tyre. Grupi parashkollor e kurorëzoi vitin me një festë madhështore të organizuar enkas për ta nga edukatoret dhe prindërit.

Nxënësit e shkollës sonë i kanë kaluar me sukses provimet e lirimit. Ata janë vlerësuar më të mirët në rrethin e Lezhës ndër vite. Atyre ju urojmë suksese të mëtejshme, kurse të gjithë mësuesve, nxënësve dhe bashkëpunëtorëve ju urojmë:

Pushime të këndshme

dhe

Mirupafshim në Shtator!