Kampi veror dhe festat përfundimtare

Qershia mbi tortë është më e bukura. Edhe pse viti shkollor është shumë i ngarkuar me mësime, projekte, testime, në fund të vitit shkolla jonë ofron edhe këtë ëmbëlsirë, organizon kampin veror për nxënësit. Në kampin veror përveç lojërave, aktiviteteve dhe laboratorëve të larmishëm na shoqëron gjithmonë një temë. Tema shërben si sfond për të përthithur vlerat njerëzore dhe ungjillore ku nxënësit kanë mundësi të shpalosin edhe aftësitë e tyre. Tema e këtij viti ishte “Shokë dhe miq me princin e vogël”, ku secili prej nesh pati mundësi të udhëtojë për të kuptuar shumë gjëra si dhe morëm mesazhin: Me Princin e vogël në zemër, të ecim përpara!

Në fund të kampit nxënësit kanë përgatitur një program, ku ishin të pranishëm edhe prindërit e tyre. Gjithashtu kanë  përgatitur një ekspozitë të pasur me  punimet e tyre nga më të  ndryshmet. Duket se janë artdashës të vërtetë.